رنگ بدلا بدن کیا سے کیا ہو گیا

رنگ بدلا بدن کیا سے کیا ہو گیا

قطرہ قطرہ لہو کیمیا ہو گیا

کیا گلی کیسا آنگن کہاں فرق تھا

ایک دیوار سے فیصلہ ہو گیا

انگلیاں دید کا لمس تھیں آن میں

راز تھا متصل راستہ ہو گیا

مجھ کو چھوڑا تھا تنہا شجر جان کر

اب نہ ڈھونڈو کہ جنگل گھنا ہو گیا

دوریاں قربتوں کی نگہبان تھیں

پاس کیا آ گیا فاصلہ ہو گیا

ہم جو ٹائر کا پنچر جڑانے لگے

کار سے وہ اتر کر ہوا ہو گیا

لمس کا ایک پل شعلگی پا گیا

بند آنکھیں رہیں سامنا ہو گیا