rang be-rang hon KHushbu ka bharosa jae

rañg be-rañg hoñ ḳhushbū kā bharosa jaa.e

merī āñkhoñ se jo duniyā tujhe dekhā jaa.e

ham ne jis raah ko chhoḌā phir use chhoḌ diyā

ab na jā.eñge udhar chāhe zamāna jaa.e

maiñ ne muddat se koī ḳhvāb nahīñ dekhā hai

haath rakh de mirī āñkhoñ pe ki niiñd aa jaa.e

maiñ gunāhoñ kā taraf-dār nahīñ huuñ phir bhī

raat ko din kī nigāhoñ se na dekhā jaa.e

kuchh baḌī sochoñ meñ ye socheñ bhī shāmil haiñ 'vasīm'

kis bahāne se koī shahr jalāyā jaa.e

rang be-rang hon KHushbu ka bharosa jae

meri aankhon se jo duniya tujhe dekha jae

hum ne jis rah ko chhoDa phir use chhoD diya

ab na jaenge udhar chahe zamana jae

main ne muddat se koi KHwab nahin dekha hai

hath rakh de meri aankhon pe ki nind aa jae

main gunahon ka taraf-dar nahin hun phir bhi

raat ko din ki nigahon se na dekha jae

kuchh baDi sochon mein ye sochen bhi shamil hain 'wasim'

kis bahane se koi shahr jalaya jae