rang dekha teri tabiat ka

rañg dekhā tirī tabī.at kā

ho chukā imtihāñ mohabbat kā

yahī naqsha rahā jo furqat kā

but banā leñge terī sūrat kā

na milo tum gale raqīboñ se

ḳhuun hotā hai merī hasrat kā

terī raftār ne nishān diyā

naam sunte the ham qayāmat kā

dekhtā huuñ parī-jamāloñ ko

mujh ko lapkā hai achchhī sūrat kā

miltī-jultī hai zulf-e-shab-gūñ se

kyā muqaddar hai shām-e-furqat kā

terī Thokar ke aage o zālim

paañv jamtā nahīñ qayāmat kā

vo mire haal par tire altāf

vo zamāna tirī mohabbat kā

sun ke dushman kī baat pī jā.ūñ

muqtazā ye nahīñ hai ġhairat kā

vo bigaḌte haiñ mujh se ban ban kar

rañg-e-ruḳh rañg hai tabī.at kā

jānte haiñ 'faroġh' ko ham bhī

ik yahī shaḳhs hai muravvat kā

rang dekha teri tabiat ka

ho chuka imtihan mohabbat ka

yahi naqsha raha jo furqat ka

but bana lenge teri surat ka

na milo tum gale raqibon se

KHun hota hai meri hasrat ka

teri raftar ne nishan diya

nam sunte the hum qayamat ka

dekhta hun pari-jamalon ko

mujh ko lapka hai achchhi surat ka

milti-julti hai zulf-e-shab-gun se

kya muqaddar hai sham-e-furqat ka

teri Thokar ke aage o zalim

panw jamta nahin qayamat ka

wo mere haal par tere altaf

wo zamana teri mohabbat ka

sun ke dushman ki baat pi jaun

muqtaza ye nahin hai ghairat ka

wo bigaDte hain mujh se ban ban kar

rang-e-ruKH rang hai tabiat ka

jaante hain 'farogh' ko hum bhi

ek yahi shaKHs hai murawwat ka