rang-e-ghazal mein dil ka lahu bhi shamil ho

rañg-e-ġhazal meñ dil kā lahū bhī shāmil ho

ḳhanjar jaisā bhī ho lekin qātil ho

is tasvīr kā aab o rañg nahīñ badlā

jaane kab ye dil kā naqsh bhī bātil ho

shor-e-fuġhāñ par itnī bechainī kaisī

tum se kyā tum kaun kisī ke qātil ho

dekh kabhī aa kar ye lā-mahdūd fazā

tū bhī merī tanhā.ī meñ shāmil ho

maiñ ki huuñ ek thakā-hārā aur māñda shaḳhs

merī anā kahtī hai mere muqābil ho

'zeb' savāl ab ye hai tujhe pahchāne kaun

kis kī nazar is gahrā.ī kī hāmil ho

rang-e-ghazal mein dil ka lahu bhi shamil ho

KHanjar jaisa bhi ho lekin qatil ho

is taswir ka aab o rang nahin badla

jaane kab ye dil ka naqsh bhi baatil ho

shor-e-fughan par itni bechaini kaisi

tum se kya tum kaun kisi ke qatil ho

dekh kabhi aa kar ye la-mahdud faza

tu bhi meri tanhai mein shamil ho

main ki hun ek thaka-haara aur manda shaKHs

meri ana kahti hai mere muqabil ho

'zeb' sawal ab ye hai tujhe pahchane kaun

kis ki nazar is gahrai ki hamil ho