rang maila na hua jama-e-uryani ka

rañg mailā na huā jāma-e-uryānī kā

sar-o-sāmāñ hai hameñ be-sar-o-sāmānī kā

ā.īna dekhe hai vo aur use ā.īna

zor aalam hai dilā ālam-e-hairānī kā

dam-e-hastī pe habāb apnī abas ubhre thā

aañkh khulte hī maqām us pe khulā faanī kā

tishnagī ḳhaak bujhe ashk kī tuġhyānī se

ain barsāt meñ bigḌe hai mazā paanī kā

zulf gar khīñch sake yaar ke tū shāne se

haath yak-dast qalam kījiyegā 'mānī' kā

jhaḌ ga.ī abar-e-bahārī kī bhī sheḳhī lekin

na ghaTā zor mire ashk kī tuġhyānī kā

ai junūñ roz rahe hai mire dāman se lagā

huuñ qadam-bos na kyuuñ ḳhār-e-bayābānī kā

kyuuñ na añgusht-numā hove hilāl-abrū

zor aalam hai tire qashqa-e-peshānī kā

dil na chhuT zulf-e-butāñ chashm kā bāñdhe hai ḳhayāl

yaad mazmūñ hai pareshāñ ko pareshānī kā

jām-o-mīnā jo bane aabla o daaġh 'nasīr'

dil ne sāmān kiyā kis kī ye mehmānī kā

rang maila na hua jama-e-uryani ka

sar-o-saman hai hamein be-sar-o-samani ka

aaina dekhe hai wo aur use aaina

zor aalam hai dila aalam-e-hairani ka

dam-e-hasti pe habab apni abas ubhre tha

aankh khulte hi maqam us pe khula fani ka

tishnagi KHak bujhe ashk ki tughyani se

ain barsat mein bigDe hai maza pani ka

zulf gar khinch sake yar ke tu shane se

hath yak-dast qalam kijiyega 'mani' ka

jhaD gai abar-e-bahaari ki bhi sheKHi lekin

na ghaTa zor mere ashk ki tughyani ka

ai junun roz rahe hai mere daman se laga

hun qadam-bos na kyun KHar-e-bayabani ka

kyun na angusht-numa howe hilal-abru

zor aalam hai tere qashqa-e-peshani ka

dil na chhuT zulf-e-butan chashm ka bandhe hai KHayal

yaad mazmun hai pareshan ko pareshani ka

jam-o-mina jo bane aabla o dagh 'nasir'

dil ne saman kiya kis ki ye mehmani ka