teri har baat mohabbat mein gawara kar ke

terī har baat mohabbat meñ gavārā kar ke

dil ke bāzār meñ baiThe haiñ ḳhasāra kar ke

aate jaate haiñ ka.ī rang mire chehre par

log lete haiñ mazā zikr tumhārā kar ke

ek chingārī nazar aa.ī thī bastī meñ use

vo alag haT gayā āñdhī ko ishāra kar ke

āsmānoñ kī taraf pheñk diyā hai maiñ ne

chand miTTī ke charāġhoñ ko sitāra kar ke

maiñ vo dariyā huuñ ki har buuñd bhañvar hai jis kī

tum ne achchhā hī kiyā mujh se kināra kar ke

muntazir huuñ ki sitāroñ kī zarā aañkh lage

chāñd ko chhat pe bulā lūñgā ishāra kar ke

teri har baat mohabbat mein gawara kar ke

dil ke bazar mein baiThe hain KHasara kar ke

aate jate hain kai rang mere chehre par

log lete hain maza zikr tumhaara kar ke

ek chingari nazar aai thi basti mein use

wo alag haT gaya aandhi ko ishaara kar ke

aasmanon ki taraf phenk diya hai main ne

chand miTTi ke charaghon ko sitara kar ke

main wo dariya hun ki har bund bhanwar hai jis ki

tum ne achchha hi kiya mujh se kinara kar ke

muntazir hun ki sitaron ki zara aankh lage

chand ko chhat pe bula lunga ishaara kar ke