khoya hai tu kin KHayalon mein raqib

khoyā hai tū kin ḳhayāloñ meñ raqīb

in siyah bāloñ yā gāloñ meñ raqīb

haath merā dekh kar un hāthoñ meñ

paḌ gayā āḳhir savāloñ meñ raqīb

kyā batā.ūñ shahr vāloñ kā tumheñ

sab se achchhā shahr vāloñ meñ raqīb

dostī gahrī thī pahle donoñ meñ

ho ga.e do ek sāloñ meñ raqīb

chhoḌne vaalā hī thā us ko magar

aa gayā yaksar ḳhayāloñ meñ raqīb

huuñ misāloñ meñ sar-e-fihrist maiñ

ġham to ye hai be misāloñ meñ raqīb

vo parī hāsil huī to hai sabab

jā rahe tū bhī ujāloñ meñ raqīb

tū ne 'bismil' fat.h paa.ī āḳhirash

rah gayā nākām chāloñ meñ raqīb

khoya hai tu kin KHayalon mein raqib

in siyah baalon ya galon mein raqib

hath mera dekh kar un hathon mein

paD gaya aaKHir sawalon mein raqib

kya bataun shahr walon ka tumhein

sab se achchha shahr walon mein raqib

dosti gahri thi pahle donon mein

ho gae do ek salon mein raqib

chhoDne wala hi tha us ko magar

aa gaya yaksar KHayalon mein raqib

hun misalon mein sar-e-fihrist main

gham to ye hai be misalon mein raqib

wo pari hasil hui to hai sabab

ja rahe tu bhi ujalon mein raqib

tu ne 'bismil' fath pai aaKHirash

rah gaya nakaam chaalon mein raqib