raqs-e-sharar kya ab ke wahshat-nak hua

raqs-e-sharar kyā ab ke vahshat-nāk huā

jalte jalte sab kuchh jal kar ḳhaak huā

sab ko apnī apnī paḌī thī pūchhte kyā

kaun vahāñ bach niklā kaun halāk huā

mausam-e-gul se fasl-e-ḳhizāñ kī duurī kyā

aañkh jhapakte saarā qissa paak huā

kin rañgoñ is sūrat kī tābīr karūñ

ḳhvāb-nadī meñ ik shola pairāk huā

nādāñ ko ā.īna hī ayyār kare

ḳhud meñ ho kar vo kaisā chālāk huā

tārīkī ke raat azaab hī kyā kam the

din niklā to sūraj bhī saffāk huā

dil kī āñkheñ khol ke raah chalo 'mahfūz'

dekho kyā kyā aalam zer-e-ḳhāk huā

raqs-e-sharar kya ab ke wahshat-nak hua

jalte jalte sab kuchh jal kar KHak hua

sab ko apni apni paDi thi puchhte kya

kaun wahan bach nikla kaun halak hua

mausam-e-gul se fasl-e-KHizan ki duri kya

aankh jhapakte sara qissa pak hua

kin rangon is surat ki tabir karun

KHwab-nadi mein ek shola pairak hua

nadan ko aaina hi ayyar kare

KHud mein ho kar wo kaisa chaalak hua

tariki ke raat azab hi kya kam the

din nikla to suraj bhi saffak hua

dil ki aankhen khol ke rah chalo 'mahfuz'

dekho kya kya aalam zer-e-KHak hua