raqsan ye kaenat hai chal raqs karte hain

raqsāñ ye kā.enāt hai chal raqs karte haiñ

har ek shai nashāt hai chal raqs karte haiñ

ham saare log nāchte zindāñ meñ qaid haiñ

so raqs hī najāt hai chal raqs karte haiñ

hote hī sub.h daar pe jā.eñge ham sabhī

lekin abhī to raat hai chal raqs karte haiñ

phir se vahī hai dasht vahī pyaas aur ham

phir se vahī furāt hai chal raqs karte haiñ

girdāb-e-bahr-e-ishq bahut duur hai to kyā

ġham kā bagūlā saath hai chal raqs karte haiñ

dhak dhak kī dhun pe raqs-kunāñ hai abhī bhī dil

ye kam kyā iltifāt hai chal raqs karte hai

raqsan ye kaenat hai chal raqs karte hain

har ek shai nashat hai chal raqs karte hain

hum sare log nachte zindan mein qaid hain

so raqs hi najat hai chal raqs karte hain

hote hi subh dar pe jaenge hum sabhi

lekin abhi to raat hai chal raqs karte hain

phir se wahi hai dasht wahi pyas aur hum

phir se wahi furaat hai chal raqs karte hain

girdab-e-bahr-e-ishq bahut dur hai to kya

gham ka bagula sath hai chal raqs karte hain

dhak dhak ki dhun pe raqs-kunan hai abhi bhi dil

ye kam kya iltifat hai chal raqs karte hai