rasa ko dil mein rakhte hain rasa ke jaanne wale
'rasā' ko dil meñ rakhte haiñ 'rasā' ke jānñe vaale
vafā kī qadr karte haiñ vafā ke jānñe vaale
tirī teġh-e-adā khiñchte hī apnī jaan jaatī hai
qazā se pahle marte haiñ qazā ke jānñe vaale
bharī haiñ shoḳhiyāñ lākhoñ tirī nīchī nigāhoñ meñ
hamīñ haiñ kuchh tirī sharm-o-hayā ke jānñe vaale
mirī fariyād sun kar kuchh unheñ parvā nahīñ hotī
niDar baiThe haiñ āh-e-nā-rasā ke jānñe vaale
'rasā' ko sab ne samjhāyā magar samjhā na kuchh zālim
hue majbūr us mard-e-ḳhudā ke jānñe vaale
'rasa' ko dil mein rakhte hain 'rasa' ke jaanne wale
wafa ki qadr karte hain wafa ke jaanne wale
teri tegh-e-ada khinchte hi apni jaan jati hai
qaza se pahle marte hain qaza ke jaanne wale
bhari hain shoKHiyan lakhon teri nichi nigahon mein
hamin hain kuchh teri sharm-o-haya ke jaanne wale
meri fariyaad sun kar kuchh unhen parwa nahin hoti
niDar baiThe hain aah-e-na-rasa ke jaanne wale
'rasa' ko sab ne samjhaya magar samjha na kuchh zalim
hue majbur us mard-e-KHuda ke jaanne wale
- Book : intekhaabe-e-sukhan(jild-duum) (Pg. 99)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
