rasm-e-duniya jaan kar hargiz na yarana karo
rasm-e-duniyā jaan kar hargiz na yārāna karo
dostī ke baab meñ dil kā kahā maanā karo
ek dhīmā sā tabassum rasm hī sī ban gayā
dosto apne parā.e ko to pahchānā karo
raushnī kā qaht hai par fikr-e-fardā kis liye
ḳhuun kī tanvīr se raushan siyah-ḳhāna karo
chhoTī-moTī baat ho to jins-e-ġham dete raho
jurm ho sañgīn to ḳhushiyoñ kā jurmāna karo
rasm-e-shabbīrī davām-e-zīst hai sultān-'rashk'
ziist karnī hai agar to sarfaroshāna karo
rasm-e-duniya jaan kar hargiz na yarana karo
dosti ke bab mein dil ka kaha mana karo
ek dhima sa tabassum rasm hi si ban gaya
dosto apne parae ko to pahchana karo
raushni ka qaht hai par fikr-e-farda kis liye
KHun ki tanwir se raushan siyah-KHana karo
chhoTi-moTi baat ho to jins-e-gham dete raho
jurm ho sangin to KHushiyon ka jurmana karo
rasm-e-shabbiri dawam-e-zist hai sultan-'rashk'
zist karni hai agar to sarfaroshana karo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
