رسم مہر و وفا کی بات کریں
رسم مہر و وفا کی بات کریں
پھر کسی دل ربا کی بات کریں
سخت بیگانۂ حیات ہے دل
آؤ اس آشنا کی بات کریں
زلف و رخسار کے تصور میں
حسن و ناز و ادا کی بات کریں
گیسوؤں کے فسانے دہرائیں
اپنے بخت رسا کی بات کریں
مدعائے وفا کسے معلوم
دل بے مدعا کی بات کریں
کشتئ دل کا ناخدا دل ہے
کیوں کسی ناخدا کی بات کریں
بھول جائیں جہاں کے جور و ستم
اپنی مہر و وفا کی بات کریں
ہم سے آزردہ ہے تبسم دوست
اسی حسن ادا کی بات کریں
مأخذ :
- کتاب : (Sau Baar Chaman Mahka)Kulliyat-e- Sufi Tabassum (Pg. 121)
- Author : Sufi Ghulam Mustafa Tabassum
- مطبع : Alhamd Publications, Lahore (2008)
- اشاعت : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
