rasm-e-sajda bhi uTha di humne

rasm-e-sajda bhī uThā dī ham ne

azmat-e-ishq baḌhā dī ham ne

jab koī taaza shagūfa phūTā

kī gulistāñ meñ munādī ham ne

jab chaman meñ na kahīñ chain milā

bāb-e-zindāñ pe sadā dī ham ne

aañch sayyād ke ghar tak pahuñchī

itnī sho.aloñ ko havā dī ham ne

ḳhūn-e-dil se dar-e-mai-ḳhāna par

terī tasvīr banā dī ham ne

dil ko aane lagā basne kā ḳhayāl

aag jab ghar ko lagā dī ham ne

rasm-e-sajda bhi uTha di hum ne

azmat-e-ishq baDha di hum ne

jab koi taza shagufa phuTa

ki gulistan mein munadi hum ne

jab chaman mein na kahin chain mila

bab-e-zindan pe sada di hum ne

aanch sayyaad ke ghar tak pahunchi

itni shoalon ko hawa di hum ne

KHun-e-dil se dar-e-mai-KHana par

teri taswir bana di hum ne

dil ko aane laga basne ka KHayal

aag jab ghar ko laga di hum ne