rasta bhi hami log the rahi bhi hamin the

rasta bhī hamī log the raahī bhī hamīñ the

aur apnī masāfat kī gavāhī bhī hamīñ the

jo jañg chhiḌī thī use jiite bhī hamīñ log

ran chhoḌ ke bhāge vo sipāhī bhī hamīñ the

vo shahr basā bhī thā hamārī hī badaulat

is shahr-e-tamannā kī tabāhī bhī hamīñ the

raushan bhī hamī se rahī taqdīr hamārī

aur apne muqaddar kī siyāhī bhī hamīñ the

hai daam jo dariyā meñ vo pheñkā thā hamīñ ne

us daam meñ phañstī huī maahī bhī hamīñ the

rasta bhi hami log the rahi bhi hamin the

aur apni masafat ki gawahi bhi hamin the

jo jang chhiDi thi use jite bhi hamin log

ran chhoD ke bhage wo sipahi bhi hamin the

wo shahr basa bhi tha hamari hi badaulat

is shahr-e-tamanna ki tabahi bhi hamin the

raushan bhi hami se rahi taqdir hamari

aur apne muqaddar ki siyahi bhi hamin the

hai dam jo dariya mein wo phenka tha hamin ne

us dam mein phansti hui mahi bhi hamin the