raston pe na baiTho ki hawa tang karegi

rastoñ pe na baiTho ki havā tañg karegī

bichhḌe hue logoñ kī sadā tañg karegī

ā'sāb pe pahre na biThā sub.h-e-safar hai

TūTegā badan aur qabā tañg karegī

mat TuuT ke chāho use āġhāz-e-safar meñ

bichhḌegā to ik ek adā tañg karegī

itnā bhī use yaad na kar shām-e-ġharībāñ

mahkegī fazā bū-e-hinā tañg karegī

ḳhvāboñ ke jazīre se nikalnā hī paḌegā

jis samt ga.e bū-e-qabā tañg karegī

pur-habs shaboñ meñ abhī nīñdeñ nahīñ utrīñ

niiñd aa.ī to phir bād-e-sabā tañg karegī

ḳhud-sar hai agar vo to marāsim na baḌhāo

ḳhuddār agar ho to anā tañg karegī

raston pe na baiTho ki hawa tang karegi

bichhDe hue logon ki sada tang karegi

aa'sab pe pahre na biTha subh-e-safar hai

TuTega badan aur qaba tang karegi

mat TuT ke chaho use aaghaz-e-safar mein

bichhDega to ek ek ada tang karegi

itna bhi use yaad na kar sham-e-ghariban

mahkegi faza bu-e-hina tang karegi

KHwabon ke jazire se nikalna hi paDega

jis samt gae bu-e-qaba tang karegi

pur-habs shabon mein abhi ninden nahin utrin

nind aai to phir baad-e-saba tang karegi

KHud-sar hai agar wo to marasim na baDhao

KHuddar agar ho to ana tang karegi