rau mein jazbon ki bah gae hum log

rau meñ jazboñ kī bah ga.e ham log

ḳhushk sāhil pe rah ga.e ham log

zulmat-o-nūr ke kinā.e meñ

baat nāzuk sī kah ga.e ham log

har musāhib bahut ḳhajil paayā

jab kabhī pesh-e-shah ga.e ham log

mun.akis thī tirī ziyā ham meñ

tū jo Duubā to kah ga.e ham log

is tanāsub se ham subuk Thahre

jis qadar sū-e-mah ga.e ham log

rau mein jazbon ki bah gae hum log

KHushk sahil pe rah gae hum log

zulmat-o-nur ke kinae mein

baat nazuk si kah gae hum log

har musahib bahut KHajil paya

jab kabhi pesh-e-shah gae hum log

munakis thi teri ziya hum mein

tu jo Duba to kah gae hum log

is tanasub se hum subuk Thahre

jis qadar su-e-mah gae hum log