rawish mein gardish-e-sayyargan se achchhi hai

ravish meñ gardish-e-sayyārgāñ se achchhī hai

zamīñ kahīñ kī bhī ho āsmāñ se achchhī hai

jo harf-e-haq kī himāyat meñ ho vo gum-nāmī

hazār vaz.a ke nām-o-nishāñ se achchhī hai

ajab nahīñ kal usī kī zabān khīñchī jaa.e

jo kah rahā hai ḳhamoshī zabāñ se achchhī hai

bas ek ḳhauf kahīñ dil ye baat maan na jaa.e

ye ḳhāk-e-ġhair hameñ āshiyāñ se achchhī hai

ham aise gul-zadgāñ ko bahār-e-yak-sā.at

nigār-ḳhāna-e-ahd-e-ḳhazāñ se achchhī hai

rawish mein gardish-e-sayyargan se achchhi hai

zamin kahin ki bhi ho aasman se achchhi hai

jo harf-e-haq ki himayat mein ho wo gum-nami

hazar waza ke nam-o-nishan se achchhi hai

ajab nahin kal usi ki zaban khinchi jae

jo kah raha hai KHamoshi zaban se achchhi hai

bas ek KHauf kahin dil ye baat man na jae

ye KHak-e-ghair hamein aashiyan se achchhi hai

hum aise gul-zadgan ko bahaar-e-yak-saat

nigar-KHana-e-ahd-e-KHazan se achchhi hai