rawish us chaal mein talwar ki hai

ravish us chaal meñ talvār kī hai

maut ushshāq-e-gunahgār kī hai

gul o gulshan se kabhī jī na lagā.e

ye sadā murġh-e-giraftār kī hai

rashk-e-gulshan ho ilāhī ye qafas

ye sadā murġh-e-giraftār kī hai

nik.hat-e-gul na sabā bhī laa.ī

ye sadā murġh-e-giraftār kī hai

aa ke be-parda mileñ vo dam-e-naz.a

ye duā āshiq-e-bīmār kī hai

pesh-e-mehrāb na kyuuñ sajde hoñ

sūrat us abru-e-ḳhamdār kī hai

chaal vo chal ki na ho mahshar-ḳhez

ye ravish charḳh-e-jafākār kī hai

mujh ko hañgāma-e-mahshar se ġharaz

bas tamannā tire dīdār kī hai

talab-e-rāh-e-ḳhudā meñ lekin

pairvī haidar-e-karrār kī hai

rawish us chaal mein talwar ki hai

maut ushshaq-e-gunahgar ki hai

gul o gulshan se kabhi ji na lagae

ye sada murgh-e-giraftar ki hai

rashk-e-gulshan ho ilahi ye qafas

ye sada murgh-e-giraftar ki hai

nikhat-e-gul na saba bhi lai

ye sada murgh-e-giraftar ki hai

aa ke be-parda milen wo dam-e-naza

ye dua aashiq-e-bimar ki hai

pesh-e-mehrab na kyun sajde hon

surat us abru-e-KHamdar ki hai

chaal wo chal ki na ho mahshar-KHez

ye rawish charKH-e-jafakar ki hai

mujh ko hangama-e-mahshar se gharaz

bas tamanna tere didar ki hai

talab-e-rah-e-KHuda mein lekin

pairwi haidar-e-karrar ki hai