rishta-e-dil ko der-pa rakhna

rishta-e-dil ko der-pā rakhnā

is ta.alluq meñ fāsla rakhnā

saarā aalam huā hai tang-nazar

dosto tum to dil baḌā rakhnā

aage baḌhne ke hausle ke saath

vāpsī kā bhī rāsta rakhnā

zindagī ke baḌe taqāze haiñ

ḳhud ko har-rang-āshnā rakhnā

shahr ko apnā jānñā lekin

zaḳhm-e-āvārgī harā rakhnā

bevafā sab na sab haiñ ahl-e-vafā

ye ta.assur milā-julā rakhnā

nahīñ dushvār jānñā us kā

haañ nazar meñ adā adā rakhnā

rishta-e-dil ko der-pa rakhna

is talluq mein fasla rakhna

sara aalam hua hai tang-nazar

dosto tum to dil baDa rakhna

aage baDhne ke hausle ke sath

wapsi ka bhi rasta rakhna

zindagi ke baDe taqaze hain

KHud ko har-rang-ashna rakhna

shahr ko apna jaanna lekin

zaKHm-e-awargi hara rakhna

bewafa sab na sab hain ahl-e-wafa

ye tassur mila-jula rakhna

nahin dushwar jaanna us ka

han nazar mein ada ada rakhna