rishte se muhafiz ka KHatra jo nikal jata

rishte se muhāfiz kā ḳhatra jo nikal jaatā

manzil pe bhī aa jaate naqsha bhī badal jaatā

is jhuuT kī daldal se bāhar bhī nikal aate

duniyā meñ bhī sar uThtā aur ghar bhī sambhal jaatā

hañste hue būḌhoñ ko qisse ka.ī yaad aate

rote hue bachchoñ kā ronā bhī bahal jaatā

kyuuñ apne pahāḌoñ ke sīnoñ ko jalāte ham

ḳhatra to mohabbat ke ik phuul se Tal jaatā

is shahr ko raas aa.ī ham jaisoñ kī gum-nāmī

ham naam batāte to ye shahr bhī jal jaatā

vo saath na detā to vo daad na detā to

ye likhne-likhāne kā jo bhī hai ḳhalal jaatā

rishte se muhafiz ka KHatra jo nikal jata

manzil pe bhi aa jate naqsha bhi badal jata

is jhuT ki daldal se bahar bhi nikal aate

duniya mein bhi sar uThta aur ghar bhi sambhal jata

hanste hue buDhon ko qisse kai yaad aate

rote hue bachchon ka rona bhi bahal jata

kyun apne pahaDon ke sinon ko jalate hum

KHatra to mohabbat ke ek phul se Tal jata

is shahr ko ras aai hum jaison ki gum-nami

hum nam batate to ye shahr bhi jal jata

wo sath na deta to wo dad na deta to

ye likhne-likhane ka jo bhi hai KHalal jata