رواج و رسم کا اس کو ہنر بھی آتا ہے
رواج و رسم کا اس کو ہنر بھی آتا ہے
مجھے بلاتا بھی ہے میرے گھر بھی آتا ہے
بدن کا حسن دمکتا ہے رات اندھیرے میں
اک آفتاب سحر بے سحر بھی آتا ہے
جدائیوں میں فقط گھر سے دوریاں تو نہیں
فراق صورت دیوار و در بھی آتا ہے
محبتوں میں گھلا جسم یاد ہے مجھ کو
کبھی رقیب مرا میرے گھر بھی آتا ہے
ترے خیال میں تیرے جمال کا پرتو
مثال موج بھی مثل گہر بھی آتا ہے
فقط خلوص میں شدت کی بات ہے یعنی
مقام دل میں ہے اور بے سفر بھی آتا ہے
خدا نے حسن دیا ہے تجھے کمال مگر
اسے سجانے کا تجھ کو ہنر بھی آتا ہے
یہ کون ہے کہ کہیں بیٹھنے نہیں دیتا
اٹھوں تو ساتھ مرے در بدر بھی آتا ہے
منیرؔ صبح کے ڈھلتے ہی لو لگی چلنے
عذاب صورت باد سحر بھی آتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
