aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

rote hain sun ke kahani meri

Imdad Imam Asar

rote hain sun ke kahani meri

Imdad Imam Asar

MORE BYImdad Imam Asar

    rote haiñ sun ke kahānī merī

    kaash sunte vo zabānī merī

    kaT gayā ġhair mare nāloñ se

    vāh-rī saif-zabānī merī

    aa.ina dekh ke farmāte haiñ

    kis ġhazab hai javānī merī

    phir tumheñ niiñd nahīñ aane

    kahīñ sun jo kahānī merī

    baar kyā paañv tirī mahfil meñ

    hai subuk tujh pe girānī merī

    hama-tan-gosh bane sunte haiñ

    ġhair kahtā hai kahānī merī

    yaad ā.ūñgā jafā-kāroñ ko

    be-nishānī hai nishānī merī

    iltijā ek muqaddar do the

    ġhair maanī na maanī merī

    hashr meñ kuchh na huā mujh se savāl

    vāh-rī hech-mudānī merī

    ab uTheñge tire dar se mar kar

    kabhī uThtī nahīñ Thānī merī

    mere ash'ār fuġhān-e-dil haiñ

    qadr kartā hai 'fuġhānī' merī

    ḳhusrav-e-mulk-e-suḳhan-dānī huuñ

    daad hai bāj-satānī merī

    dil meñ poshīda rahegī kab tak

    ātish-e-shauq-e-nihānī merī

    tār-e-gesū se nazar uljhī

    dekhnā resha-davānī merī

    dil hālat se ḳhabar detī hai

    'asar' āshufta-bayānī merī

    rote hain sun ke kahani meri

    kash sunte wo zabani meri

    kaT gaya ghair mare nalon se

    wah-ri saif-zabani meri

    aaina dekh ke farmate hain

    kis ghazab ki hai jawani meri

    phir tumhein nind nahin aane ki

    kahin sun li jo kahani meri

    bar kya panw teri mahfil mein

    hai subuk tujh pe girani meri

    hama-tan-gosh bane sunte hain

    ghair kahta hai kahani meri

    yaad aaunga jafa-karon ko

    be-nishani hai nishani meri

    iltija ek muqaddar do the

    ghair ki mani na mani meri

    hashr mein kuchh na hua mujh se sawal

    wah-ri hech-mudani meri

    ab uThenge tere dar se mar kar

    kabhi uThti nahin Thani meri

    mere ash'ar fughan-e-dil hain

    qadr karta hai 'fughani' meri

    KHusraw-e-mulk-e-suKHan-dani hun

    dad hai baj-satani meri

    dil mein poshida rahegi kab tak

    aatish-e-shauq-e-nihani meri

    tar-e-gesu se nazar ja uljhi

    dekhna resha-dawani meri

    dil ki haalat se KHabar deti hai

    'asar' aashufta-bayani meri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now