roya na hun jahan mein gareban ko apne phaD

royā na huuñ jahāñ meñ garebāñ ko apne phaaḌ

aisā na koī dasht hai zālim na kui ujaaḌ

aatā hai mohtasib pa-e-ta.azīr mai-kasho

pagḌī ko us kī pheñk do dāḌhī ko lo ukhāḌ

sābit thā jab talak ye garebāñ ḳhafā thā maiñ

karte hī chaak khul ga.e chhātī ke sab kivāḌ

mere ġhubār ne to tire dil meñ kī hai jā

go merī musht-e-ḳhāk se dāman kī ta.iiñ tū jhaaḌ

'tābāñ' zi-bas havā-e-junūñ sar meñ hai mire

ab maiñ huuñ aur dasht hai ye sar hai aur pahāḌ

roya na hun jahan mein gareban ko apne phaD

aisa na koi dasht hai zalim na kui ujaD

aata hai mohtasib pa-e-tazir mai-kasho

pagDi ko us ki phenk do daDhi ko lo ukhaD

sabit tha jab talak ye gareban KHafa tha main

karte hi chaak khul gae chhati ke sab kiwaD

mere ghubar ne to tere dil mein ki hai ja

go meri musht-e-KHak se daman ki tain tu jhaD

'taban' zi-bas hawa-e-junun sar mein hai mere

ab main hun aur dasht hai ye sar hai aur pahaD