roz-o-shab husn-e-ruKH-e-yar pe hairan hona

roz-o-shab husn-e-ruḳh-e-yār pe hairāñ honā

hai mohabbat meñ yahī sāhab-e-īmāñ honā

sāneha ye bhī ajab ishq meñ mujh par guzrā

merī ummīd ke gulshan kā bayābāñ honā

husn ke nāḳhun-e-tadbīr se kyā mushkil hai

ishq ke uqda-e-dushvār kā āsāñ honā

qatra-e-ashk kī chilman se nigah ne dekhā

un ke hoñToñ pe tabassum kā numāyāñ honā

ik na.ī tarz-e-jafā ishq meñ ījād huī

us ne sīkhā hai jafāoñ pe pashemāñ honā

kuchh samajh meñ nahīñ aatā ye mohabbat kyā hai

un ko pā kar bhī unhīñ ke liye hairāñ honā

rāt-bhar merī nigāhoñ ne ye manzar dekhā

chāñd kā abr meñ chhup-chhup ke numāyāñ honā

maiñ ne kuchh faiz har ustād se paayā hai 'jalīl'

tab kahīñ jā ke mayassar hai suḳhan-dāñ honā

roz-o-shab husn-e-ruKH-e-yar pe hairan hona

hai mohabbat mein yahi sahab-e-iman hona

saneha ye bhi ajab ishq mein mujh par guzra

meri ummid ke gulshan ka bayaban hona

husn ke naKHun-e-tadbir se kya mushkil hai

ishq ke uqda-e-dushwar ka aasan hona

qatra-e-ashk ki chilman se nigah ne dekha

un ke honTon pe tabassum ka numayan hona

ek nai tarz-e-jafa ishq mein ijad hui

us ne sikha hai jafaon pe pasheman hona

kuchh samajh mein nahin aata ye mohabbat kya hai

un ko pa kar bhi unhin ke liye hairan hona

raat-bhar meri nigahon ne ye manzar dekha

chand ka abr mein chhup-chhup ke numayan hona

main ne kuchh faiz har ustad se paya hai 'jalil'

tab kahin ja ke mayassar hai suKHan-dan hona