roz o shab is soch mein Duba rahta hun
roz o shab is soch meñ Duubā rahtā huuñ
ġham ko pā kar bhī maiñ kitnā tanhā huuñ
alsā.e maazī ke sūkhe peḌ-tale
chhāñv kī ummīd lagā.e baiThā huuñ
abr-e-gurezāñ mujh par bhī bas ek nazar
raah meñ terī sadiyoñ pyāsā sahrā huuñ
mujh se ruuTh ke duur na jā pāoge tum
maiñ chāroñ jānib huuñ ufuq tak phailā huuñ
tanhā.ī meñ jab dam ghuTne lagtā hai
terī tahrīroñ kā amrit piitā huuñ
kyuuñ tū mujh ko galiyoñ galiyoñ DhūñDe hai
maiñ terā saaya huuñ tujhī meñ rahtā huuñ
roz o shab is soch mein Duba rahta hun
gham ko pa kar bhi main kitna tanha hun
alsae mazi ke sukhe peD-tale
chhanw ki ummid lagae baiTha hun
abr-e-gurezan mujh par bhi bas ek nazar
rah mein teri sadiyon pyasa sahra hun
mujh se ruTh ke dur na ja paoge tum
main chaaron jaanib hun ufuq tak phaila hun
tanhai mein jab dam ghuTne lagta hai
teri tahriron ka amrit pita hun
kyun tu mujh ko galiyon galiyon DhunDe hai
main tera saya hun tujhi mein rahta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
