ruKH-e-arzu par hijab-e-mohabbat

ruḳh-e-ārzū par hijāb-e-mohabbat

khilā aur is se shabāb-e-mohabbat

sivā yaas ke maiñ ne dekhā na kuchh bhī

uThā.ī jab us ne naqāb-e-mohabbat

shikasta huā sāz-e-hastī hamārā

na chheḌe koī ab rabāb-e-mohabbat

hamārī fuġhāñ kī rasā.ī ho kyūñkar

ki ūñchī bahut hai janāb-e-mohabbat

nahīñ kuchh bhī tāsīr merī duā meñ

ye shāyad hai ahd-e-shabāb-e-mohabbat

uThātā huuñ āzār maiñ dil lagā kar

ba-ta.abīr-e-hasrat ba-ḳhvāb-e-mohabbat

'vafā' kū-e-ulfat se hargiz na haTnā

milegā yahīñ tum ko bāb-e-mohabbat

ruKH-e-arzu par hijab-e-mohabbat

khila aur is se shabab-e-mohabbat

siwa yas ke main ne dekha na kuchh bhi

uThai jab us ne naqab-e-mohabbat

shikasta hua saz-e-hasti hamara

na chheDe koi ab rabab-e-mohabbat

hamari fughan ki rasai ho kyunkar

ki unchi bahut hai janab-e-mohabbat

nahin kuchh bhi tasir meri dua mein

ye shayad hai ahd-e-shabab-e-mohabbat

uThata hun aazar main dil laga kar

ba-tabir-e-hasrat ba-KHwab-e-mohabbat

'wafa' ku-e-ulfat se hargiz na haTna

milega yahin tum ko bab-e-mohabbat