ruKH-e-bahaar pe aks-e-KHizan bhi kitni der
ruḳh-e-bahār pe aks-e-ḳhizāñ bhī kitnī der
muḳhālifat pe tulā āsmāñ bhī kitnī der
kisī kā naam kisī kā nishāñ bhī kitnī der
ho jism ḳhaak to phir ustuḳhvāñ bhī kitnī der
shikast-o-reḳht kī is manzil-e-pareshāñ meñ
yaqīñ kī umr bhī kitnī gumāñ bhī kitnī der
bañdhā hai ahd jo teġh-o-gulū ke beach to phir
laraztī kāñptī nannhī sī jaañ bhī kitnī der
nikal chalo hai abhī sahl rāsta yaaro
ki mehrbāñ hai to ye mehrbāñ bhī kitnī der
barā-e-shab bhī kushāda hai merā darvāza
ki sub.h aa.ī to ye mehmāñ bhī kitnī der
suḳhan-varī na sahī mo.ajiza sahī lekin
ye tarz-e-fikr ye husn-e-bayāñ bhī kitnī der
ruKH-e-bahaar pe aks-e-KHizan bhi kitni der
muKHalifat pe tula aasman bhi kitni der
kisi ka nam kisi ka nishan bhi kitni der
ho jism KHak to phir ustuKHwan bhi kitni der
shikast-o-reKHt ki is manzil-e-pareshan mein
yaqin ki umr bhi kitni guman bhi kitni der
bandha hai ahd jo tegh-o-gulu ke beach to phir
larazti kanpti nannhi si jaan bhi kitni der
nikal chalo hai abhi sahl rasta yaro
ki mehrban hai to ye mehrban bhi kitni der
bara-e-shab bhi kushada hai mera darwaza
ki subh aai to ye mehman bhi kitni der
suKHan-wari na sahi moajiza sahi lekin
ye tarz-e-fikr ye husn-e-bayan bhi kitni der
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
