ruKHsaron pe gul mahke aankhon mein haya aai

ruḳhsāroñ pe gul mahke āñkhoñ meñ hayā aa.ī

ye kis ne tumheñ dekhā ye kis kī qazā aa.ī

zulfoñ kī mahak le kar phir mauj-e-sabā aa.ī

phir yaad hameñ un kī ek ek adā aa.ī

ai bād-e-sahar-gāhī kyā soch ke āḳhir tū

rangīnī-e-shab un kī āñkhoñ meñ jagā aa.ī

jaise ġham-e-sahrā ke tanhā hamīñ rahrau haiñ

har moḌ pe kānoñ meñ apnī hī sadā aa.ī

jo kuchh bhī guzartī thī guzrī shab-e-ġham dil par

shabnam ko ye kyā sūjhī phūloñ ko rulā aa.ī

vo kis kā nasheman thā ai barq-e-tapāñ jis ke

jalte hue tinkoñ se bhī bū-e-vafā aa.ī

kal sub.h bahār-e-gul thī raqs-kunāñ har-sū

gulshan ko tirī ḳhushbū dīvāna banā aa.ī

ruKHsaron pe gul mahke aankhon mein haya aai

ye kis ne tumhein dekha ye kis ki qaza aai

zulfon ki mahak le kar phir mauj-e-saba aai

phir yaad hamein un ki ek ek ada aai

ai baad-e-sahar-gahi kya soch ke aaKHir tu

rangini-e-shab un ki aankhon mein jaga aai

jaise gham-e-sahra ke tanha hamin rahrau hain

har moD pe kanon mein apni hi sada aai

jo kuchh bhi guzarti thi guzri shab-e-gham dil par

shabnam ko ye kya sujhi phulon ko rula aai

wo kis ka nasheman tha ai barq-e-tapan jis ke

jalte hue tinkon se bhi bu-e-wafa aai

kal subh bahaar-e-gul thi raqs-kunan har-su

gulshan ko teri KHushbu diwana bana aai