ruKHsat-e-sham hai aur wade ka saya bhi nahin

ruḳhsat-e-shām hai aur va.ade kā saaya bhī nahīñ

ab takalluf na karūñ jā ke taqāzā ho jā.ūñ

kab se huuñ maahī be aab zamāne kī tarah

koī nekī ho tire paas to dariyā ho jā.ūñ

kitne pechīda masā.il kī thakan hai mujh meñ

ik zarā soch luuñ tujh ko tar-o-tāza ho jā.ūñ

kitne pahlū haiñ ka.ī rañg chhupe haiñ mujh meñ

abhī aisā huuñ jo tū chāhe to vaisā ho jā.ūñ

apne siine meñ haiñ Thahrī huī sāñseñ kab se

zalzala ban ke to aa maiñ tah-o-bālā ho jā.ūñ

vo rifāqat pe razā-mand nahīñ hai to na ho

kyā maiñ us shaḳhs ke hote hue tanhā ho jā.ūñ

be-yaqīnī hai kuchh imroz meñ itnī 'maz.har'

jī meñ aatā hai ki andesha-e-fardā ho jā.ūñ

ruKHsat-e-sham hai aur wade ka saya bhi nahin

ab takalluf na karun ja ke taqaza ho jaun

kab se hun mahi be aab zamane ki tarah

koi neki ho tere pas to dariya ho jaun

kitne pechida masail ki thakan hai mujh mein

ek zara soch lun tujh ko tar-o-taza ho jaun

kitne pahlu hain kai rang chhupe hain mujh mein

abhi aisa hun jo tu chahe to waisa ho jaun

apne sine mein hain Thahri hui sansen kab se

zalzala ban ke to aa main tah-o-baala ho jaun

wo rifaqat pe raza-mand nahin hai to na ho

kya main us shaKHs ke hote hue tanha ho jaun

be-yaqini hai kuchh imroz mein itni 'mazhar'

ji mein aata hai ki andesha-e-farda ho jaun