ruswa hue baghair na naz-e-butan uTha

rusvā hue baġhair na nāz-e-butāñ uThā

jab ho ga.e subuk to ye bār-e-girāñ uThā

ma.anī meñ kar talāsh ma.āsh-e-dil-o-dimāġh

haivāñ-sifat na lazzat-e-kām-o-dahāñ uThā

gar ḳhanda yaad aa.e to siine ko chaak kar

gar ġhamza yaad aa.e to zaḳhm-e-sināñ uThā

yā aañkh uThā ke chashm-e-fusūñ-sāz ko na dekh

yā umr-bhar masā.ib-e-daur-e-zamāñ uThā

us anjuman meñ jā.iye ab kis umiid par

ham baiThne na paa.e ki vo bad-gumāñ uThā

be-yād-e-dost umr-e-girāmī na sarf kar

us ganj-e-shā.egāñ ko na yuuñ rā.egāñ uThā

vasl-o-firāq vahm sahī dil-lagī to hai

phir ham kahāñ jo parda-e-rāz-e-nihāñ uThā

parvāne kī tapish ne ḳhudā jaane kaan meñ

kyā kah diyā ki sham.a ke sar se dhuāñ uThā

ruswa hue baghair na naz-e-butan uTha

jab ho gae subuk to ye bar-e-giran uTha

mani mein kar talash maash-e-dil-o-dimagh

haiwan-sifat na lazzat-e-kaam-o-dahan uTha

gar KHanda yaad aae to sine ko chaak kar

gar ghamza yaad aae to zaKHm-e-sinan uTha

ya aankh uTha ke chashm-e-fusun-saz ko na dekh

ya umr-bhar masaib-e-daur-e-zaman uTha

us anjuman mein jaiye ab kis umid par

hum baiThne na pae ki wo bad-guman uTha

be-yaad-e-dost umr-e-girami na sarf kar

us ganj-e-shaegan ko na yun raegan uTha

wasl-o-firaq wahm sahi dil-lagi to hai

phir hum kahan jo parda-e-raaz-e-nihan uTha

parwane ki tapish ne KHuda jaane kan mein

kya kah diya ki shama ke sar se dhuan uTha