ruuh tanhā ga.ī jannat ko subuk-sārī se
chaar ke kāñdhe uThā jism girāñbārī se
taaq tāqat hai ġham-e-hijr kī bīmārī se
baiThte uThte haiñ aahoñ kī madad-gārī se
husn-e-ruḳhsār baḌhā ḳhat kī numūdārī se
zīnat-e-saf.ha huī jadval-e-zañgārī se
tū jo talvār se nahlā.e lahū meñ mujh ko
ġhusl-e-sehhat huā bhī ishq kī bīmārī se
aur to tark kiyā sab ne shab-e-furqat meñ
bekasī baaz na aa.ī mirī ġham-ḳhvārī se
ruh tanha gai jannat ko subuk-sari se
chaar ke kandhe uTha jism giranbari se
taq taqat hai gham-e-hijr ki bimari se
baiThte uThte hain aahon ki madad-gari se
husn-e-ruKHsar baDha KHat ki numudari se
zinat-e-safha hui jadwal-e-zangari se
tu jo talwar se nahlae lahu mein mujh ko
ghusl-e-sehhat hua bhi ishq ki bimari se
aur to tark kiya sab ne shab-e-furqat mein
bekasi baz na aai meri gham-KHwari se
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
