rukhi-sukhi kha sakte the

rūkhī-sūkhī khā sakte the

terā saath nibhā sakte the

kaaT ke jaḌ ik-dūje kī ham

kitne phuul ugā sakte the

ham talvār uThā nahīñ paa.e

ham āvāz uThā sakte the

ġhurbat kā ehsān thā ham par

ik thālī meñ khā sakte the

tum ta.abīr ḳhudā se māñgo

ham bas ḳhvāb dikhā sakte the

ham ko ronā aa jaatā to

ham bhī shor machā sakte the

ḳhvāboñ ne jo aag lagā.ī

us ko ashk bujhā sakte the

rukhi-sukhi kha sakte the

tera sath nibha sakte the

kaT ke jaD ik-duje ki hum

kitne phul uga sakte the

hum talwar uTha nahin pae

hum aawaz uTha sakte the

ghurbat ka ehsan tha hum par

ek thaali mein kha sakte the

tum tabir KHuda se mango

hum bas KHwab dikha sakte the

hum ko rona aa jata to

hum bhi shor macha sakte the

KHwabon ne jo aag lagai

us ko ashk bujha sakte the