ruTh jaega to mujhse aur kya le jaega

ruuTh jā.egā to mujh se aur kyā le jā.egā

bas yahī hogā ki jiine kā mazā le jā.egā

sardiyoñ kī dopahar se dhuup le jā.egā vo

garmiyoñ kī shaam se ThanDī havā le jā.egā

sabz mausam kī tanābeñ khīñch legā jism se

aur bāloñ se mire kaalī ghaTā le jā.egā

apne andar zard pattoñ kī tarah bikhrūñ gī meñ

mere andar se mujhe patjhaḌ uḌā le jā.egā

ruTh jaega to mujh se aur kya le jaega

bas yahi hoga ki jine ka maza le jaega

sardiyon ki dopahar se dhup le jaega wo

garmiyon ki sham se ThanDi hawa le jaega

sabz mausam ki tanaben khinch lega jism se

aur baalon se mere kali ghaTa le jaega

apne andar zard patton ki tarah bikhrun gi mein

mere andar se mujhe patjhaD uDa le jaega