saf qasid ko wan jawab mila

saaf qāsid ko vaañ javāb milā

mere ḳhat kā yahī javāb milā

aaj zarre ko āftāb milā

ki mujhe sāġhar-e-sharāb milā

kahte haiñ sub.h-dam vo dekh ke muñh

jā-e-ā.īna āftāb milā

be-sabāt apnī bazm-e-aish jo hai

shīsha-e-mai kī jā habāb milā

baḳht ne paa.ī jab ki bedārī

mere pā-e-talab ko ḳhvāb milā

ho gayā dil jo aabla saaqī

samjhe ham shīsha-e-sharāb milā

gor bhī khud rahī hai mehr ke saath

aap ḳhush ho ga.e ḳhitāb milā

kab se 'nāsiḳh' ye justujū hai mujhe

aaj vo ḳhānumāñ-ḳharāb milā

saf qasid ko wan jawab mila

mere KHat ka yahi jawab mila

aaj zarre ko aaftab mila

ki mujhe saghar-e-sharab mila

kahte hain subh-dam wo dekh ke munh

ja-e-aina aaftab mila

be-sabaat apni bazm-e-aish jo hai

shisha-e-mai ki ja habab mila

baKHt ne pai jab ki bedari

mere pa-e-talab ko KHwab mila

ho gaya dil jo aabla saqi

samjhe hum shisha-e-sharab mila

gor bhi khud rahi hai mehr ke sath

aap KHush ho gae KHitab mila

kab se 'nasiKH' ye justuju hai mujhe

aaj wo KHanuman-KHarab mila