saghar uTha ke zohd ko rad humne kar diya

sāġhar uThā ke zohd ko rad ham ne kar diyā

phir zindagī ke jazr ko mad ham ne kar diyā

vaqt apnā zar-ḳharīd thā hañgām-e-mai-kashī

lamhe ko tuul de ke abad ham ne kar diyā

dil pand-e-vā.izāñ se huā hai asar-pazīr

us ko ḳharāb-e-sohbat-e-bad ham ne kar diyā

tasbīh se subū ko badal kar ḳhudā ko aaj

bālā-tar az-shumār-o-adad ham ne kar diyā

baada thā yā urūs-e-firāsat thī jaam meñ

jo kah diyā bahak ke sanad ham ne kar diyā

misroñ meñ gesuoñ kī fasāhat kā bhar ke rañg

apnī har ik ġhazal ko sanad ham ne kar diyā

tashbīh de ke qāmat-e-jānāñ ko sarv se

ūñchā har ek sarv kā qad ham ne kar diyā

saghar uTha ke zohd ko rad hum ne kar diya

phir zindagi ke jazr ko mad hum ne kar diya

waqt apna zar-KHarid tha hangam-e-mai-kashi

lamhe ko tul de ke abad hum ne kar diya

dil pand-e-waizan se hua hai asar-pazir

us ko KHarab-e-sohbat-e-bad hum ne kar diya

tasbih se subu ko badal kar KHuda ko aaj

baala-tar az-shumar-o-adad hum ne kar diya

baada tha ya urus-e-firasat thi jam mein

jo kah diya bahak ke sanad hum ne kar diya

misron mein gesuon ki fasahat ka bhar ke rang

apni har ek ghazal ko sanad hum ne kar diya

tashbih de ke qamat-e-jaanan ko sarw se

uncha har ek sarw ka qad hum ne kar diya