samea lazzat-e-bayan-zada
sāme.a lazzat-e-bayān-zada
zehn o dil sehr-e-dāstān-zada
fikr o tahqīq rehn-e-mohr-o-sanad
tālib-e-ilm imtihān-zada
zaat kī fikr hai qayās-ālūd
zindagī kā yaqīñ gumān-zada
raat pahchān de ga.ī sab ko
sub.h chehre mile nishān-zada
taak meñ hai na ki ta.āqub meñ
tū shikārī hai par machān-zada
un kī fikr-e-rasā falak-paimā
apnī socheñ haiñ āsamān-zada
ḳhud se rishte nahīñ rahe lekin
log ab bhī haiñ ḳhāndān-zada
raat hai log ghar meñ baiThe haiñ
daftar-ālūda o dukān-zada
samea lazzat-e-bayan-zada
zehn o dil sehr-e-dastan-zada
fikr o tahqiq rehn-e-mohr-o-sanad
talib-e-ilm imtihan-zada
zat ki fikr hai qayas-alud
zindagi ka yaqin guman-zada
raat pahchan de gai sab ko
subh chehre mile nishan-zada
tak mein hai na ki taaqub mein
tu shikari hai par machan-zada
un ki fikr-e-rasa falak-paima
apni sochen hain aasaman-zada
KHud se rishte nahin rahe lekin
log ab bhi hain KHandan-zada
raat hai log ghar mein baiThe hain
daftar-aluda o dukan-zada
- Book : khamoshi bol uthi hai (Pg. 41)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
