saqi-o-waiz mein zid hai baada-kash chakkar mein hai

sāqī-o-vā.iz meñ zid hai bāda-kash chakkar meñ hai

tū ba-lab pur aur lab Duubā huā sāġhar meñ hai

rok le ai zabt jo aañsū ki chashm-e-tar meñ hai

kuchh nahīñ bigḌā hai ab tak ghar kī daulat ghar meñ hai

dab gayā thā mere marne se jo ai mahshar-ḳhirām

kyā vahī ḳhvābīda-fitna sūrat-e-mahshar meñ hai

jis ko tū chāhe jilā de jis ko chāhe maar de

vo bhī terī baat meñ ye bhī tirī Thokar meñ hai

dil ke miT jaane se josh-e-ishq ghaT saktā hai kyā

dil se kyā matlab ki ye saudā to mere sar meñ hai

māntā hai āstāñ ko tere ka.aba aur kaun

ye hamārā hī nishān-e-sajda sañg-e-dar meñ hai

'ahsan'-e-āvāra-qismat kī na pūchho gardisheñ

apne ghar baiThā huā taqdīr ke chakkar meñ hai

saqi-o-waiz mein zid hai baada-kash chakkar mein hai

tu ba-lab pur aur lab Duba hua saghar mein hai

rok le ai zabt jo aansu ki chashm-e-tar mein hai

kuchh nahin bigDa hai ab tak ghar ki daulat ghar mein hai

dab gaya tha mere marne se jo ai mahshar-KHiram

kya wahi KHwabida-fitna surat-e-mahshar mein hai

jis ko tu chahe jila de jis ko chahe mar de

wo bhi teri baat mein ye bhi teri Thokar mein hai

dil ke miT jaane se josh-e-ishq ghaT sakta hai kya

dil se kya matlab ki ye sauda to mere sar mein hai

manta hai aastan ko tere kaba aur kaun

ye hamara hi nishan-e-sajda sang-e-dar mein hai

'ahsan'-e-awara-qismat ki na puchho gardishen

apne ghar baiTha hua taqdir ke chakkar mein hai