saqi sharab hai to ghanimat hai ab ki ab

saaqī sharāb hai to ġhanīmat hai ab kī ab

phir bazm hogī jab to samajh liijo jab kī jab

sāġhar ke lab se pochhiye us lab kī lazzateñ

kis vāste ki ḳhuub samajhtā hai lab kī lab

kam-fursatī se umr kī apnī hazār haif

jitnī thiiñ ḳhvāhisheñ vo rahīñ dil meñ sab kī sab

sun kar vo kal kī aaj na ho kis tarah ḳhafā

ai nā-shanās-e-tab.a kahī tū ne kab kī kab

phūlā huā badan meñ samātā nahīñ 'nazīr'

vo gul-badan jo paas rahā us ke shab kī shab

saqi sharab hai to ghanimat hai ab ki ab

phir bazm hogi jab to samajh lijo jab ki jab

saghar ke lab se pochhiye us lab ki lazzaten

kis waste ki KHub samajhta hai lab ki lab

kam-fursati se umr ki apni hazar haif

jitni thin KHwahishen wo rahin dil mein sab ki sab

sun kar wo kal ki aaj na ho kis tarah KHafa

ai na-shanas-e-taba kahi tu ne kab ki kab

phula hua badan mein samata nahin 'nazir'

wo gul-badan jo pas raha us ke shab ki shab