ساقیا ہو گرمی صحبت ذرا برسات میں
ساقیا ہو گرمی صحبت ذرا برسات میں
کیا ہی ٹھنڈی ٹھنڈی چلتی ہے ہوا برسات میں
رکھ کے اے ساقی خم مے میں بہا دینا مجھے
بادہ کش ہوں آئے گی میری قضا برسات میں
میری آہیں ہیں دلیل گریۂ بے انتہا
جتنی آندھی آئے بارش ہو سوا برسات میں
پانچ یہ میرے حواس خمسہ ہیں دو جسم و جاں
عشق نے تقسیم پائی ہے برابر سات میں
کب تمہاری راہ دیکھیں پھول ہو کس فضل کے
آؤ گے گرمی میں یا جاڑے میں یا برسات میں
ابر دریا سبزہ ساقی یار مطرب دخت رز
مہرؔ ہے ان سات چیزوں کا مزا برسات میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
