sara din be-kar baiThe sham ko ghar aa gae

saarā din be-kār baiThe shaam ko ghar aa ga.e

ḳhvāb meñ chalne lage dīvār se Takrā ga.e

maiñ bharī saḌkoñ pe bhī be-chāp chalne lag gayā

ghar meñ so.e log mere zehn par yuuñ chhā ga.e

merā beTā mere dushman kī hī tasvīreñ banā.e

mere abbā us kī copy dekh kar ghabrā ga.e

jab bhī sūraj Dūbte dekhā maiñ ḳhush hone lagā

par ka.ī manhūs chamgādaḌ mujhe larzā ga.e

āsmāñ kī samt dekhā bādaloñ ke vāste

dekhte hī dekhte chīloñ ke dil mañDlā ga.e

sara din be-kar baiThe sham ko ghar aa gae

KHwab mein chalne lage diwar se Takra gae

main bhari saDkon pe bhi be-chap chalne lag gaya

ghar mein soe log mere zehn par yun chha gae

mera beTa mere dushman ki hi taswiren banae

mere abba us ki copy dekh kar ghabra gae

jab bhi suraj Dubte dekha main KHush hone laga

par kai manhus chamgadaD mujhe larza gae

aasman ki samt dekha baadalon ke waste

dekhte hi dekhte chilon ke dil manDla gae