sare gamle sukh gae hain kaisa mausam aaya hai

saare gamle suukh ga.e haiñ kaisā mausam aaya hai

gulshan gulshan vīrānī hai phuul haiñ aur na sabza hai

ahl-e-ḳhirad kuchh soch rahe haiñ chhoḌo un kā zikr hī kiyā

dīvāne bhī muhr ba-lab haiñ shahr meñ ik sannāTā hai

raat añdherī ḳhauf kā aalam jā ke kahāñ sar phoḌeñge

band kivāḌoñ par dastak to dīvānoñ kā hissa hai

ahl-e-basīrat soch se aarī kaale dhande gore log

ham ne be-kārī ke dinoñ meñ jaane kyā kyā sochā hai

ghar ke āñgan meñ cherī ke phuul khile to kyā hāsil

qarya qarya vīrānī hai gulshan gulshan ujḌā hai

aḳhbāroñ meñ chhapvātā huuñ na.ī na.ī ġhazleñ aksar

aaj mire dīvāne-pan kā saare shahr meñ charchā hai

'rāz' tumheñ ye kyā sūjhī hai jo sher sunāne nikle ho

ye lāshoñ kā shahr hai is par ifrītoñ kā saayā hai

sare gamle sukh gae hain kaisa mausam aaya hai

gulshan gulshan virani hai phul hain aur na sabza hai

ahl-e-KHirad kuchh soch rahe hain chhoDo un ka zikr hi kiya

diwane bhi muhr ba-lab hain shahr mein ek sannaTa hai

raat andheri KHauf ka aalam ja ke kahan sar phoDenge

band kiwaDon par dastak to diwanon ka hissa hai

ahl-e-basirat soch se aari kale dhande gore log

hum ne be-kari ke dinon mein jaane kya kya socha hai

ghar ke aangan mein cheri ke phul khile to kya hasil

qarya qarya virani hai gulshan gulshan ujDa hai

aKHbaron mein chhapwata hun nai nai ghazlen aksar

aaj mere diwane-pan ka sare shahr mein charcha hai

'raaz' tumhein ye kya sujhi hai jo sher sunane nikle ho

ye lashon ka shahr hai is par ifriton ka saya hai