sare ilzam bhul jata hun

saare ilzām bhuul jaatā huuñ

maiñ to dushnām bhuul jaatā huuñ

roz maiñ pūchhtā huuñ terā naam

roz maiñ naam bhuul jaatā huuñ

dekhtā huuñ bikharte phūloñ ko

apnā anjām bhuul jaatā huuñ

aisā chaskā lagā hai bātoñ kā

ghar kā har kaam bhuul jaatā huuñ

yaad kartā huuñ us ko saarā din

aur sar-e-shām bhuul jaatā huuñ

aisā masrūf kar liyā ḳhud ko

aksar ārām bhuul jaatā huuñ

ḳhush tujhe dekh kar maiñ apne bhī

ġham-o-ālām bhuul jaatā huuñ

vo galī tujh pe band hai lekin

dil-e-nākām bhuul jaatā huuñ

dekhtā huuñ tujhe qarīb se aa

maiñ tirā naam bhuul jaatā huuñ

kyuuñ sitam us ke bārhā 'fārūq'

gām-dar-gām bhuul jaatā huuñ

sare ilzam bhul jata hun

main to dushnam bhul jata hun

roz main puchhta hun tera nam

roz main nam bhul jata hun

dekhta hun bikharte phulon ko

apna anjam bhul jata hun

aisa chaska laga hai baaton ka

ghar ka har kaam bhul jata hun

yaad karta hun us ko sara din

aur sar-e-sham bhul jata hun

aisa masruf kar liya KHud ko

aksar aaram bhul jata hun

KHush tujhe dekh kar main apne bhi

gham-o-alam bhul jata hun

wo gali tujh pe band hai lekin

dil-e-nakaam bhul jata hun

dekhta hun tujhe qarib se aa

main tera nam bhul jata hun

kyun sitam us ke barha 'faruq'

gam-dar-gam bhul jata hun