sari jafaen sare karam yaad aa gae

Saghar Khayyami

sari jafaen sare karam yaad aa gae

Saghar Khayyami

MORE BYSaghar Khayyami

    saarī jafā.eñ saare karam yaad aa ga.e

    jaise bhī yaad aa.e hoñ ham yaad aa ga.e

    jab bhī kahīñ se pyaar milā ḳhushī milī

    duniyā ke dard-o-rañj-o-alam yaad aa ga.e

    dekhīñ haiñ jab bhī gul ke qarīñ chand titliyāñ

    kitne ḳhayāl-o-ḳhvāb baham yaad aa ga.e

    likkhā thā tum ne ḳhat meñ ki tum ne bhulā diyā

    kyā hādsa huā hai ki ham yaad aa ga.e

    pardes meñ jo aa.ī nazar nargisī nigāh

    ik bā-vafā ke dīda-e-nam yaad aa ga.e

    muddat huī hai bichhḌe hue apne-āp se

    dekhā jo aaj tum ko to ham yaad aa ga.e

    suljhā.īñ jab bhī ziist 'sāġhar' ne gutthiyāñ

    nāgāh terī zulf ke ḳham yaad aa ga.e

    sari jafaen sare karam yaad aa gae

    jaise bhi yaad aae hon hum yaad aa gae

    jab bhi kahin se pyar mila ya KHushi mili

    duniya ke dard-o-ranj-o-alam yaad aa gae

    dekhin hain jab bhi gul ke qarin chand titliyan

    kitne KHayal-o-KHwab baham yaad aa gae

    likkha tha tum ne KHat mein ki tum ne bhula diya

    kya hadsa hua hai ki hum yaad aa gae

    pardes mein jo aai nazar nargisi nigah

    ek ba-wafa ke dida-e-nam yaad aa gae

    muddat hui hai bichhDe hue apne-ap se

    dekha jo aaj tum ko to hum yaad aa gae

    suljhain jab bhi zist ki 'saghar' ne gutthiyan

    nagah teri zulf ke KHam yaad aa gae

    Source :
    • Book : Kulliyat-e-Saghar Khayyami (Pg. 371)
    • Author : Saghar Khayyami
    • Publication : Farid Book Depot (Pvt.) Ltd. (2012)
    • Edition : 2012

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY