sath manzil thi magar KHauf-o-KHatar aisa tha
saath manzil thī magar ḳhauf-o-ḳhatar aisā thā
umr-bhar chalte rahe log safar aisā thā
jab vo aa.e to maiñ ḳhush bhī huā sharminda bhī
merī taqdīr thī aisī mirā ghar aisā thā
hifz thiiñ mujh ko bhī chehroñ kī kitābeñ kyā kyā
dil shikasta thā magar tez nazar aisā thā
aag oḌhe thā magar baañT rahā thā saaya
dhuup ke shahr meñ ik tanhā shajar aisā thā
log ḳhud apne charāġhoñ ko bujhā kar so.e
shahr meñ tez havāoñ kā asar aisā thā
sath manzil thi magar KHauf-o-KHatar aisa tha
umr-bhar chalte rahe log safar aisa tha
jab wo aae to main KHush bhi hua sharminda bhi
meri taqdir thi aisi mera ghar aisa tha
hifz thin mujh ko bhi chehron ki kitaben kya kya
dil shikasta tha magar tez nazar aisa tha
aag oDhe tha magar banT raha tha saya
dhup ke shahr mein ek tanha shajar aisa tha
log KHud apne charaghon ko bujha kar soe
shahr mein tez hawaon ka asar aisa tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
