satwin manzil se kuda chahiye
sātvīñ manzil se kuudā chāhiye
ḳhud-kushī karne ko aur kyā chāhiye
apne hāthoñ apnī āñkheñ phoḌ kar
chār-sū apne ko dekhā chāhiye
aa.ine meñ koī rahtā hai zarūr
kaun hai chupke se pūchhā chāhiye
niiñd ke kamre meñ dam ghuTne lagā
ḳhvāb kī khiḌkī ko kholā chāhiye
'faiz'-sāhib sher kyuuñ kahte nahīñ
'faiz'-sāhib sher kahnā chāhiye
tum se biivī ko shikāyat ho agar
to 'salīm'-ahmad ko paḌhnā chāhiye
aao 'alvī' us ke ghar kī battiyāñ
bujh ga.iiñ ab ghar ko chalnā chāhiye
satwin manzil se kuda chahiye
KHud-kushi karne ko aur kya chahiye
apne hathon apni aankhen phoD kar
chaar-su apne ko dekha chahiye
aaine mein koi rahta hai zarur
kaun hai chupke se puchha chahiye
nind ke kamre mein dam ghuTne laga
KHwab ki khiDki ko khola chahiye
'faiz'-sahib sher kyun kahte nahin
'faiz'-sahib sher kahna chahiye
tum se biwi ko shikayat ho agar
to 'salim'-ahmad ko paDhna chahiye
aao 'alwi' us ke ghar ki battiyan
bujh gain ab ghar ko chalna chahiye
- Book : Lifaafe Mein Raushni (Pg. 40)
- Author :Mohammad Alvi
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
