sawan ka mahina bhi hai barish bhi nahin hai

sāvan kā mahīna bhī hai bārish bhī nahīñ hai

sūkhe hue khetoñ pe navāzish bhī nahīñ hai

ab sar-ba-garebāñ hai mire shahr kā mausam

ahbāb bhī ḳhāmosh haiñ sāzish bhī nahīñ hai

har moḌ pe miltī haiñ tahayyur kī lakīreñ

pahle kī tarah tarz-e-nigārish bhī nahīñ hai

har gaam pe tūfāñ kā tasalsul hai mire saath

pairoñ meñ abhī tak mire laġhzish bhī nahīñ hai

maiñ raḳht-e-safar bāñdh ke niklā to huuñ ghar se

har gosha-e-dil meñ koī ḳhvāhish bhī nahīñ hai

sākit hai fazā vaqt kī masmūm havā se

titlī ke paroñ meñ koī jumbish bhī nahīñ hai

mehnat kā sila kaise karegā vo muqarrar

'ḳhālid' mire hamrāh sifārish bhī nahīñ hai

sawan ka mahina bhi hai barish bhi nahin hai

sukhe hue kheton pe nawazish bhi nahin hai

ab sar-ba-gareban hai mere shahr ka mausam

ahbab bhi KHamosh hain sazish bhi nahin hai

har moD pe milti hain tahayyur ki lakiren

pahle ki tarah tarz-e-nigarish bhi nahin hai

har gam pe tufan ka tasalsul hai mere sath

pairon mein abhi tak mere laghzish bhi nahin hai

main raKHt-e-safar bandh ke nikla to hun ghar se

har gosha-e-dil mein koi KHwahish bhi nahin hai

sakit hai faza waqt ki masmum hawa se

titli ke paron mein koi jumbish bhi nahin hai

mehnat ka sila kaise karega wo muqarrar

'KHalid' mere hamrah sifarish bhi nahin hai