saya mera saya wo

saayā merā saayā vo

mujh meñ aan samāyā vo

din nikal aayā āñgan meñ

raat ga.e jab aayā vo

mere lahū kī gardish meñ

chupke se dar aayā vo

merī galī meñ raat ga.e

lahrātā ik saayā vo

ġhuncha sā mire saath gayā

sub.h talak khil aayā vo

merī zinda sāñsoñ meñ

kaisā aan samāyā vo

qurb kī halkī bārish meñ

qaus-e-quzah ban aayā vo

mujh se huā bebāk magar

phūloñ se sharmāyā vo

hijr ke tapte sahrā meñ

merī tarah kumhlāyā vo

jī na sakūñ maiñ jis ke baġhair

aksar yaad na aayā vo

'nāsir' sachchā shā'ir thā

aaj bahut yaad aayā vo

kaise kaise ruup liye

shahr-e-ġhazal meñ aayā vo

saya mera saya wo

mujh mein aan samaya wo

din nikal aaya aangan mein

raat gae jab aaya wo

mere lahu ki gardish mein

chupke se dar aaya wo

meri gali mein raat gae

lahraata ek saya wo

ghuncha sa mere sath gaya

subh talak khil aaya wo

meri zinda sanson mein

kaisa aan samaya wo

qurb ki halki barish mein

qaus-e-quzah ban aaya wo

mujh se hua bebak magar

phulon se sharmaya wo

hijr ke tapte sahra mein

meri tarah kumhlaya wo

ji na sakun main jis ke baghair

aksar yaad na aaya wo

'nasir' sachcha sha'ir tha

aaj bahut yaad aaya wo

kaise kaise rup liye

shahr-e-ghazal mein aaya wo