saz-e-hasti pe agar gao to kuchh baat bane

sāz-e-hastī pe agar gaao to kuchh baat bane

sher ban jaa.eñ jo ye ghaav to kuchh baat bane

ye futūhāt-e-ḳhalā kyā haiñ ba-juz tār-e-harīr

zaat ke pardoñ ko sarkāo to kuchh baat bane

ahl-e-bīnash ho bane ivory-tower meñ to kyā

kabhī dīvānoñ se Takrāo to kuchh baat bane

zulmat-e-shab meñ ye tanhā.ī galā ghoñT na de

shīsha-e-karb hī chamkāo to kuchh baat bane

ilm-o-dānish kī mahaktī huī purvā.iyo kaash

mere siine meñ utar aao to kuchh baat bane

zulm kā saath na do maslahat-andeshī meñ

aao haq-goyoñ meñ aa jaao to kuchh baat bane

jism meñ ruuh kirā.e ke makāñ meñ jaise

ruuh ko apnā banā paao to kuchh baat bane

in razīloñ kī zabāñ-dānī ayāzan-billāh

sayyad-'inshā' ko bulā laao to kuchh baat bane

saz-e-hasti pe agar gao to kuchh baat bane

sher ban jaen jo ye ghaw to kuchh baat bane

ye futuhat-e-KHala kya hain ba-juz tar-e-harir

zat ke pardon ko sarkao to kuchh baat bane

ahl-e-binash ho bane iwory-tower mein to kya

kabhi diwanon se Takrao to kuchh baat bane

zulmat-e-shab mein ye tanhai gala ghonT na de

shisha-e-karb hi chamkao to kuchh baat bane

ilm-o-danish ki mahakti hui purwaiyo kash

mere sine mein utar aao to kuchh baat bane

zulm ka sath na do maslahat-andeshi mein

aao haq-goyon mein aa jao to kuchh baat bane

jism mein ruh kirae ke makan mein jaise

ruh ko apna bana pao to kuchh baat bane

in razilon ki zaban-dani ayazan-billah

sayyad-'insha' ko bula lao to kuchh baat bane