saz-e-hayat qaid-o-salasil kahen kise
sāz-e-hayāt qaid-o-salāsil kaheñ kise
jab dil hī bujh gayā ho to phir dil kaheñ kise
rūdād-e-ġham tavīl to itnī nahīñ magar
koī kahāñ hai madd-e-muqābil kaheñ kise
bachte bachāte mauj-e-havādis se aa ke ham
sāhil pe Duub jaa.eñ to sāhil kaheñ kise
dast-e-duā bhī kaaT ke ahbāb chal diye
hāl-e-dil-e-shikasta meñ shāmil kaheñ kise
'anjum' hamārā ahd hai bahrūpiyoñ kā ahd
jo hai naqāb-posh hai qātil kaheñ kise
saz-e-hayat qaid-o-salasil kahen kise
jab dil hi bujh gaya ho to phir dil kahen kise
rudad-e-gham tawil to itni nahin magar
koi kahan hai madd-e-muqabil kahen kise
bachte bachate mauj-e-hawadis se aa ke hum
sahil pe Dub jaen to sahil kahen kise
dast-e-dua bhi kaT ke ahbab chal diye
haal-e-dil-e-shikasta mein shamil kahen kise
'anjum' hamara ahd hai bahrupiyon ka ahd
jo hai naqab-posh hai qatil kahen kise
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
