sab kahan kuchh lala-o-gul mein numayan ho gain

Mirza Ghalib

sab kahan kuchh lala-o-gul mein numayan ho gain

Mirza Ghalib

MORE BY Mirza Ghalib

    sab kahāñ kuchh lāla-o-gul meñ numāyāñ ho ga.iiñ

    ḳhaak meñ kyā sūrateñ hoñgī ki pinhāñ ho ga.iiñ

    yaad thiiñ ham ko bhī rañgā-rañg bazm-ārā.īyāñ

    lekin ab naqsh-o-nigār-e-tāq-e-nisyāñ ho ga.iiñ

    thiiñ banāt-un-nāsh-e-gardūñ din ko parde meñ nihāñ

    shab ko un ke meñ kyā aa.ī ki uryāñ ho ga.iiñ

    qaid meñ yāqūb ne go na yūsuf ḳhabar

    lekin āñkheñ rauzan-e-dīvār-e-zindāñ ho ga.iiñ

    sab raqīboñ se hoñ nā-ḳhush par zanān-e-misr se

    hai zuleḳhā ḳhush ki mahv-e-māh-e-kan.āñ ho ga.iiñ

    jū-e-ḳhūñ āñkhoñ se bahne do ki hai shām-e-firāq

    maiñ ye samjhūñgā ki sham.eñ do farozāñ ho ga.iiñ

    in parī-zādoñ se leñge ḳhuld meñ ham intiqām

    qudrat-e-haq se yahī hūreñ agar vaañ ho ga.iiñ

    niiñd us hai dimāġh us hai rāteñ us haiñ

    terī zulfeñ jis ke baazū par pareshāñ ho ga.iiñ

    maiñ chaman meñ kyā gayā goyā dabistāñ khul gayā

    bulbuleñ sun kar mire naale ġhazal-ḳhvāñ ho ga.iiñ

    vo nigāheñ kyuuñ huī jaatī haiñ yā-rab dil ke paar

    jo mirī kotāhī-e-qismat se mizhgāñ ho ga.iiñ

    bas-ki rokā maiñ ne aur siine meñ ubhrīñ pai-ba-pai

    merī aaheñ baḳhiya-e-chāk-e-garebāñ ho ga.iiñ

    vaañ gayā bhī maiñ to un gāliyoñ kyā javāb

    yaad thiiñ jitnī duā.eñ sarf-e-darbāñ ho ga.iiñ

    jāñ-fizā hai baada jis ke haath meñ jaam aa gayā

    sab lakīreñ haath goyā rag-e-jāñ ho ga.iiñ

    ham muvahhid haiñ hamārā kesh hai tark-e-rūsūm

    millateñ jab miT ga.iiñ ajzā-e-īmāñ ho ga.iiñ

    rañj se ḳhūgar huā insāñ to miT jaatā hai rañj

    mushkileñ mujh par paḌīñ itnī ki āsāñ ho ga.iiñ

    yuuñ gar rotā rahā 'ġhālib' to ai ahl-e-jahāñ

    dekhnā in bastiyoñ ko tum ki vīrāñ ho ga.iiñ

    sab kahan kuchh lala-o-gul mein numayan ho gain

    KHak mein kya suraten hongi ki pinhan ho gain

    yaad thin hum ko bhi ranga-rang bazm-araiyan

    lekin ab naqsh-o-nigar-e-taq-e-nisyan ho gain

    thin banat-un-nash-e-gardun din ko parde mein nihan

    shab ko un ke ji mein kya aai ki uryan ho gain

    qaid mein yaqub ne li go na yusuf ki KHabar

    lekin aankhen rauzan-e-diwar-e-zindan ho gain

    sab raqibon se hon na-KHush par zanan-e-misr se

    hai zuleKHa KHush ki mahw-e-mah-e-kanan ho gain

    ju-e-KHun aankhon se bahne do ki hai sham-e-firaq

    main ye samjhunga ki shamen do farozan ho gain

    in pari-zadon se lenge KHuld mein hum intiqam

    qudrat-e-haq se yahi huren agar wan ho gain

    nind us ki hai dimagh us ka hai raaten us ki hain

    teri zulfen jis ke bazu par pareshan ho gain

    main chaman mein kya gaya goya dabistan khul gaya

    bulbulen sun kar mere nale ghazal-KHwan ho gain

    wo nigahen kyun hui jati hain ya-rab dil ke par

    jo meri kotahi-e-qismat se mizhgan ho gain

    bas-ki roka main ne aur sine mein ubhrin pai-ba-pai

    meri aahen baKHiya-e-chaak-e-gareban ho gain

    wan gaya bhi main to un ki galiyon ka kya jawab

    yaad thin jitni duaen sarf-e-darban ho gain

    jaan-fiza hai baada jis ke hath mein jam aa gaya

    sab lakiren hath ki goya rag-e-jaan ho gain

    hum muwahhid hain hamara kesh hai tark-e-rusum

    millaten jab miT gain ajza-e-iman ho gain

    ranj se KHugar hua insan to miT jata hai ranj

    mushkilen mujh par paDin itni ki aasan ho gain

    yun hi gar rota raha 'ghaalib' to ai ahl-e-jahan

    dekhna in bastiyon ko tum ki viran ho gain

    Videos
    This video is playing from YouTube

    Videos
    This video is playing from YouTube

    Hina Nasrullah

    Hina Nasrullah

    Kamla Jharia

    Kamla Jharia

    Zulfiqar Ali Bukhari

    Zulfiqar Ali Bukhari

    RECITATIONS

    Shamsur Rahman Faruqi

    Shamsur Rahman Faruqi

    Nomaan Shauque

    Nomaan Shauque

    Shamsur Rahman Faruqi

    sab kahan kuchh lala-o-gul mein numayan ho gain Shamsur Rahman Faruqi

    Source:

    • Book: Deewan-e-Ghalib Jadeed (Al-Maroof Ba Nuskha-e-Hameedia) (Pg. 283)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites